A Walden for you, BJ :)

ഞാന്‍  ജീവിതത്തിന്‍റെ  എല്ലാ വര്‍ണശബളിമയും 

വാരിപ്പുതയ്ക്കുന്നു ..

മധു പാത്രങ്ങള്‍ എന്നെ  കടലോളം കാടോളം, കുന്നോളം

ആകര്‍ഷിയ്ക്കുന്നു..

മരണം പോലെ സുന്ദരമാണ് ജീവിതവും..

ജീവിതം പോലെ വശ്യമാണ് മരണവും...

ആകെ ബോറ് ഈ നൂല്പാലമാണ്  ...

അതിന്മേലെ ഉള്ള ഈ ഞാണ് കളി..

ഒരു ദിവസം ഞാന്‍ രണ്ടിലൊന്ന്  തീരുമാനിയ്ക്കും,

പക്ഷെ  നീ കൂടെ വരേണ്ടി വരും

കാടായാലും കടലായാലും

നീ കൂടെ വരേണ്ടി വരും..

കാടാണെങ്കില്‍ ,

നമ്മുടെ വാല്‍ഡണ്‍ വരച്ചുവെയ്ക്കാം..

പിന്നെ വരകള്‍ക്ക്  ജീവന്‍റെ സംഗീതം പകരുന്ന 

മാന്ത്രിക ബ്രഷ് തേടിപ്പോകാം..

കടലാണെങ്കില്‍,

എല്‍ഫുകളും മെര്‍മെയിഡുകളും 

നിന്നെ വരവേല്‍ക്കാന്‍ ഡോള്‍ഫിനുകളുടെ പുറമേറി,

തിരകളുടെ കുതിപ്പില്‍ തീരങ്ങള്‍ തേടി വരും..

എന്ത് വേണമെന്ന് നീ തന്നെ പറയ്‌..

എന്‍റെ നീല  ഹയാസിന്തു കളുടെ രാജകുമാരാ...