ചില ഓര്‍മ്മകള്‍ പതഞ്ഞാണ് വരിക.
അറിയാത്ത ഏതോ മരത്തിന്‍റെ കറ പോലെ
ജീവസ്സുറ്റ ഒരു ഉറവ..
എങ്കിലും അടിത്തട്ടില്‍,
ഒരിക്കലും ഉണങ്ങാത്ത പഴുപ്പിന്‍റെ കുത്തലും ,
വറ്റാത്ത നീരിന്‍റെ അലോസരമുണ്ടാക്കുന്ന നീറ്റലും..
ചില ഓര്‍മ്മകള്‍ അങ്ങനെയാണ്..
വിരല്‍ വിറച്ചു തെന്നി തെറിച്ചപ്പോള്‍
കീ പാഡ് പോലും പറയുന്നു : നിങ്ങള്‍ എന്‍ടര്‍ ചെയ്ത പാസ് വേര്‍ഡ് തെറ്റാണ്!
എന്നിട്ടോ?
ഒടുവില്‍ മരക്കറയുടെ സാന്ത്വനത്തില്‍ കുന്തം മറിഞ്ഞു,
നിലാവ് കണ്ട കോഴി പോലെ
അന്തവും കുന്തവും അറ്റ്,
നീണ്ടു നിവര്‍ന്നൊരു കിടപ്പ്!
അതാണ്!
